今早返咗去大埔食早飯,食之前走咗去大埔個街市行一圈,發覺土瓜灣啲街市真係好唔掂,要乜冇乜,正常呢個時間啲生果都會有好多,但係成個土瓜灣都唔見有好多得揀,但係大埔就成街都係,於是買咗一大堆生果返屋企,同時也買了新鮮蓮子同馬蘭頭返來食.
本來諗住去街市買少少金華火腿去配個馬蘭頭,但係隻火腿開到中間最靚個位,好甘香,於是又改做法,火腿就用蜜汁冰糖去燉,燉完個蜜汁就加桂花燉蓮子.啲馬蘭頭就加豆干及竹筍做涼拌.至於個主菜就係茄汁蟹肉卷.
蜜汁桂花蓮子,啲鮮蓮子好鬆化,有陣清新的香味,不過去芯就好麻煩.
今次茄汁蟹肉卷個茄汁特別用魚湯底煮開同加辣以帶出蟹肉個鮮味,芝士就少量咁係放在中間位置.
蜜汁金華火腿、桂花蓮子、仲有茄汁蟹肉卷 ，應該都好花時間做，您好有心機呀 個茄汁用魚湯底煮開加辣<--- 加辣用辣香料粉?
回覆刪除慢慢做三個鐘啦,手快兩個鐘都可以.蜜汁火腿同蓮子都係蒸燉時間長,冇乜特別工序要求;其他都係拆下蟹肉,去蓮子芯比較花時間,呢啲都係我老婆慢慢做 ,我主要都係切煮同搓個麵團,係個豆干馬蘭頭工序多啲,大部份都係煮熟先切,所以衛生要求高好多,要慢慢做.呢啲功夫菜唔可以大做,做一大輪都係得個細細碟,不過食時會好滿足 . 我正常煮個茄醬會用意大利罐頭蕃茄,茄膏,茄汁,洋蔥,蒜泥,香葉,乾辣椒,雜香草煮成,但今次加多咗隻鮮辣椒同魚湯底去concentrate個茄醬(冰箱有魚湯存貨,冇就要用蟹殼去煮個湯底),煮好後再加多少量paprika粉.將魚湯加入茄醬會調和茄醬跟蟹肉在食味上的差別,食時唔會覺得係蟹肉"點"茄醬.至於煮海鮮加辣的份量要控制得好小心,小量辣味會提升鮮味,太多會變成辣味煮xx,我個人覺得主次會掉轉咗 .
回覆刪除原來你煮野食好了得
回覆刪除(Empty)
回覆刪除小熊子:仲係monkey level咋.
回覆刪除