鳳園半天遊 2007-05-13 (蝴蝶昆蟲篇)

算起來，今次係第二次拍攝蝴蝶，其他都是在偶然下拍一兩張．未進入保育區前，有幾隻雄性酢醬灰蝶(Pale Grass Blue, Zizeeria Maha)在路旁．唔好放過機會，熱下身同測試器材．

其實器材得一枝百微同一枝135L用得下黎影蝴蝶，閃光燈有帶不過唔用，今次主要測試下在open shade同開揚的環境下，用不同的ISO同快門組合去拍攝．

進入保育區時約九時十五分左右，園內的職工告知蝴蝶要約十一時左右再出來覓食．

唔緊要，一場黎到，點都要四維行吓先有收穫嫁，啲蝴蝶唔會飛堆你個鏡頭前．行咗去後山，真係冇乜蝴蝶，但有條剌參係樹上面

原本係裳鳳蝶幼蟲(Common Birdwing, Troides Helena)，不過體型真係好大，應該有15cm長．唔知點解佢要咬斷枝樹枝

呢張係轉咗幾個圈之後再同佢影多張食樹葉相．

行咗一陣，抬頭見到樹底有隻蝶狀物體，不過都有少少距離，行唔到堆去同埋大背光，後期加工後先見到佢個面目，仲未知係乜，翻查中．．．應該係台灣斑魚蛉--齒蛉科(Fishfly, Neochauliodes formosanus - Corydalidae)

其實都有少量蝴蝶在飛舞，不過唔肯停低，所以影唔到．

東方菜粉蝶(Indian Cabbage White, Pieris Canidia)．

繼上次嘉道理之後，又一張head to head啦．

酢醬灰蝶在喝露水，由於係花圃中，已經申到最埋，再前啲平衡唔到啦，呢啲就係百微的缺點，不過過程係好過癮，慢慢行埋去都唔走，仲要影完都仲係未走先至有滿足感嗎．

不過呢隻白帶黛眼蝶(Banded Tree Brown, Lethe Confusa)一聽到快門聲就走咗啦．只此一張

無尾型美鳳蝶(Great Mormon, Papilio Memnon-Agenor)，鳳蝶最難影之處就係食緊野都唔停低，快門太慢有動感，但係有機會個頭都唔清．少少鬆，冇辦法啦．

呢隻絹斑蝶(Glass Tiger, Parantica Aglea)最攪野之處就係只會係三朵花之間飛舞，有啲師兄行過嚇走咗都會飛返轉頭，用守株待兔的方法最有效，呢張係百微直出冇裁剪．

我都冇諗過可以用百微影蝶會影唔晒，好多張都要向後移才影得晒隻蝶．影咗幾張不如試下挑戰極限，百微最近焦點影大頭．Resize後冇加USM有點鬆．隻蝶話：好在我有上粉，唔係點見人．

註：蝴蝶用個啲梗係花粉啦．

冇諗過影蝶都可以補光．

蛇眼蛺蝶(Lemon Pansy, Junonia Lemonias)在曬太陽

之後係地下見到佢？同胞？唔知做緊乜，停咗好耐，我從遠處申枝鏡埋去都唔理我，直到我自己都頂唔住，起身都有啲頭暈暈．

黃紋孔弄蝶(Contiguous Swift, Polytremis Lubricans)．一下就走咗lu，同我一樣，怕嘈

擬旖斑蝶(Ceylon Blue Glassy Tiger, Ideopsis Similis)，係花圃中間．

係三個多鐘頭入面見到幾次燕鳳蝶(White Dragontail, Lamproptera Curius)，初頭比佢個飛行模式嚇壞，似條飛蟲多啲，後來見到佢定咗係高樹上片刻先知道係鳳園特產之一（冇得買走），後來經過條橋見到佢係河床飲水，附近冇位落去，於是用枝135L作高倍放大（裁相）先至唔會空手而回．

蟲蟲篇

金斑虎甲--虎甲科(Blue Spotted Tiger Beetle, Cicindela aurulenta--Cicindelidae)，好有形，metallic色彩，依園圃路短途飛行．

雌性曉褐蜻蜓--蜻科(Crimson Dropwing, Trithemis Aurora--Libellulidae)．

係乜都唔知，似Spider多啲．

大蟬一隻，幾樣．．．

呢隻綠草嬋--嬋科(Green Grass Cicada, Mogannia hebes--Cicadidae)好好多，色彩鮮艷，仲叫得好大聲，不過就引到兩個傻佬黎．．．影佢

例牌菜，一隻Honey Bee...

係短短三個多鐘頭入面都影咗唔少蝴蝶品種，有灰蝶、粉蝶、眼蝶、鳳蝶、斑蝶、蛺蝶同弄蝶七科，雖然每科得一兩款，都算係好開始．

後記：從網上都聽過有啲影蝴蝶嘅師兄唔係咁有禮貌，今次都比我預到"個"，話說佢地幾個同我一齊係個園圃範圍內影相，一邊係陰暗樹底，另一邊比較開揚，我梗係唔會入陰暗個面啦，佢地幾個發現到啲乜我都冇興趣過去八一下，只係係另一面慢慢等機會，終於有一隻鳳蝶飛咗入花叢中停低，咁我梗係慢慢入去拍攝，點知按快門前一刻有一度強閃光打過來，本能反應梗係郁啦，跟住隻蝶唔使講．．．唔係嗎，個大太陽係上面仲要開閃，跟住再望下邊個高手啦，原來有兩個人係六七米外用枝ｘ鏡加閃影我面前兩尺都唔夠嘅蝴蝶

，佢兩個立即掉頭走咗．

唉，影唔影到係事小，影蝶都嘅成功率都唔係咁高，不過做到咁就唔係咁好啦．

可能係影蝶要心平氣和，所以都冇乜怒火，睇黎呢個活動都值得研究吓．