母親節聚餐(上)

由朝整到晚,成個散晒~~~

下雨天,最好就係係屋企煮野食,咁啱下個星期係母親節,又唔想同人迫又唔想買貴餸,於是就提早一個禮拜咁多啦. 早一日前老婆已經睇咗一堆書同寫張菜單,但我就未細心去看一次,因為次次買完餸返來張菜單都會有一半唔同咗.是日早上起床已經係十點幾,食過早餐之後就去街市買餸,一定要食飽先可以行街市,如果唔係就乜都會買.例牌菜梗係有隻雞,一隻細細的龍崗雞都要60元.之後就去咗魚檔買海鮮,原本看看土瓜灣街市有冇龍蝦賣,但有都係好細隻,一斤都唔知有冇,唯有晏啲去旺角找啦.轉個頭就睇到一啲好可愛嘅石頭魚係個魚池,二話不說就買咗兩條返屋企(多咗兩個餸).之後行經賣上海食品的舖頭,見到一啲超新鮮的蠶豆,條條都好飽滿,又買咗兩斤返屋企.

兩斤蠶豆有幾多,去外皮後(~11兩):

再去埋個殼得返七兩幾:

待續~~~