期待已久的Apita(UNY)終於開番啦,昨日有空便乘船過北角再轉車到太古城行一趟.
個人對日資百貨及超市有一些特殊的感情,總覺得貨品排列得比較好,看起來比較順眼.但有特色的都相繼結業,遠的有八百伴及大丸,近的則有松板屋及三越,剩下只有SOGO,但現在都唔係日資啦,不過都仲保留到應有的特色.至於UNY及吉之島,由於地點關係,都是在比較後期才到訪.
以往到UNY超市購物,一走到雪櫃的部份,都會特別興奮,因為總會找到一些新的食物或一些空運到港的食物,通常在這情況下都係冇理性地放入購物籃中,最後都會拿著兩三大袋的回家.其實UNY的價格都唔會特別便宜,但在獨有及新鮮的情況下都會好樂意拿回家的,另外每年的減價期間都必定到UNY走一趟,總是換一兩張現金劵才回家.
滿心期盼的我從扶手電梯下降到超市的樓層,眼前儘是人群,心想都是很正常的現象,新開張的總是有很多像我的人到來襯熱鬧.其實我是很怕到人群多的地方的,一來要花一點時間才能弄進人潮中,再者觀看的時候總是要左閃右避,細心觀賞的心情都會一掃而空.首先來到家品及電器部,發覺所賣的東西都是差不多,只是位置有所改動,另外床上用品的佔地大少許,由於人多的關係,都沒有心情再細看貨品的種類.
跟著到超市內逛,有一點值得讚的是Apita(UNY)及康怡吉之島可使用的收銀機數目比較多,就算人多也不會大排長龍.可能是人多的關係,在poster見到的新鮮無花果是找不到的,跟著走到雪櫃看一看,基本上種類是沒有多大的分別,由於家中的雪櫃正在清減要烹煮的存貨,所以沒有打算再購買.再看一些翻熱食品,有一款日式餡餅標價40元5件,但我記不起在吉之島的售價(約30元左右),心想如果以這樣的售價是應該唔會購買的.再走到凍肉櫃看一看,我最喜歡的(差不多是必買的)法國鴨脾要60元以上!好似在UNY時期是45~52元左右,嘩原來裝飾完加咗咁多呀,最後只買了兩大枝日本燒酒供浸製生果酒之用,都好似加咗10元左右,但相比用voka還算便宜.付款之後從人頭之間見到Kelly媽在排隊申請apita卡,但兩枝酒太重啦(~6kg),要走過去打招呼都要花一點力氣才可,最後決定離開.
在到康怡巴士站之前都係要走入吉之島看一看才安心,點知一睇就把鬼火,餡餅正價係25元多,現減價為16.9及18.9呀~~~~~~~~~~~~~~~~~~~~~~~~~~~~~~~~~~~~~~
係呀, 我都覺佢 d 野貴左好多呀 .......... hehe, 我哩 d c9 仔 ... 見到有著數咪去排下隊 lor ~~
回覆刪除Kelly媽:有著數排下隊好正常呀,但係我唔係住附近,一年最多都係3至4次,所以唔打算申請.不過依家啲野貴咗咁多,冇咗要去行個圈的衝動囉,有都係只會係大減價先會去一次咁多啦.
回覆刪除我住得太近喇, 行落去都唔洗 10 mins, so 我 apply 都係o岩架喇, 我個人喜歡行 uny 多過 jusco, 感覺好 d, 乾淨 d, d 野又新鮮 d ~~~~
回覆刪除Kelly媽:我老婆啲日本同事都係咁話...我就冇乜所謂,但最緊要唔好咁多人同埋行超市啲人有啲公德心就得啦.
回覆刪除eeeeeeeeeee? 你太太都係響日本公司做架?? 我又係 bor ~~
回覆刪除Kelly媽:yes~~~
回覆刪除