御好燒(廣島式) (附食譜)

呢個餸煮咗幾年都冇一次似樣，原因係之前唔肯買易潔鑊，用生鐵平底鑊就要用多啲油，用不綉鋼鑊就黏底

。唔知點解煮乜都得，一煎煙肉隻不綉鋼鑊就死都唔放口。直到最近百佳有平易潔鑊賣先至買返隻用，除咗煎蛋之外我都甚少用，因為個易潔塗層會好快KO。

今晚由於想做"懶人"一碟上枱分，於是買了包煙背（都好耐冇係百佳見過啦），加上雪櫃同廚櫃內的存貨煮咗碟廣島式御好燒，因為太有信心，只用了一隻碟反轉，所以煙肉有少少移位

。再加埋茄汁、日式沙律醬、日式醬汁、紫菜碎及芥末就成為一碟美味的御好燒啦。加埋鰹魚碎會仲好食，不過存貨沽清

。

做法:

1. 御好燒粉100克加蛋1隻伴勻,加入椰菜絲半個,已汆水雜菜半杯,雪藏細蝦1/4杯,日本年榚二塊切粒及適量軟芝士切粒後伴勻.

2. 燒熱易潔鑊下油,倒入材料,弄成圓形及修邊,舖上煙肉輕壓,至底部結成微焦時返轉,直至用竹籤測試熟透為止.