是日有啲陽光，又冇乜特別野做，就上咗山頂行一轉．從中環坐小巴到山頂要八元
，乜唔係七個幾？唔知點解架車上斜冇乜冷氣，又行僑福又行明德，頂唔順就入咗個商場過冷河．
原來依家個標誌係咁喎．
一間未食過既餐廳．
上山既路非常漫長．
呢度閘每次行過都會望一陣．
古蹟喎～～～
呢日本人都幾識嘆．
其實係山下睇個天都OK，不過上咗山，有啲雲飄過來，能見度就即刻差晒．
雲過咗後又係一片青天．
估唔到山頂都可以影到啲咁既效果．
返到車站之後，成身熱騰騰，要食枝雪條先解到暑．跟著就行條未行過既古道下山．
本來打算由頭行到尾，但又想到白加道站影幾張相，於是行芬梨徑往車站．
白加道車站，一個由小到大都會經過的車站，但點都唔會係度上落的車站，站的建築好有特色，如果春天有霧的時候就更加有氣氛，本來有諗過係度影結婚相，但因種種因由就不了了之．．．
影完相之後就走回舊山頂道去．
沿途都係係林蔭之下，所以冇乜影相，最開揚都只得一處，但已到山腰的位置啦．條路非常斜，都唔知我老竇後生時點樣係中環跑上山頂既．
途中有煤氣公司的裝置，好隱密呀．
仲估唔到會有公廁的．
就黎到地利根德里時發現這塊碑石，過百年算唔算古蹟呢．
再轉多幾個彎就黎到梅道啦，沿此路應該可以去到纜車站．
回望啲樓都好高喎．
一轉眼就行完條舊山頂道．
下接動植物公園，就係咁完成咗一條由細聽到大但又未行過既路．
後記：天氣好熱，熱到想中暑咁樣．係動植物公園都要坐咗陣先至行得，本來打算坐船轉巴士返屋企，但見到有架冷氣巴士就二話不說就上咗架車啦．
沒有留言:
張貼留言