好耐未試過咁早入到大埔，七點半上咗架75X，八點兩個字就返到富善，中途訓咗陣，所以唔知點解咁快，可能冇人上車啦。之後到咗富善一間茶餐廳食早餐，間茶餐廳規模都有返咁上下大，以為啲野食都OK啦，點知～～～都有四五年未食過一間咁差嘅囉，唔好食唔緊要，都係一餐啫，食飽就算啦，最驚都係一陣係山度攪肚都唔知點算囉。
食完野都係八點半左右，開始步向鳳園，因為個中心話開九點鐘，地圖上看就唔係好遠，半個鐘應該有多，於是放慢少少腳步出發去鳳園。天氣大煙霞有陽光，影近野都應該幾好嘅
點知冇瓦遮頭，隻腳又開咗Turbo，十分鐘就到咗鳳園路入口
跟住鳳園路慢慢地行入去．．．今次真係唔可以快啦
陂頭水閘
沿途都係啲荒廢咗田地．．．
五爪金龍(Ipomoea Cairica)－攀緣植物，粉蝶同鳳蝶的食物
中途有幾塊膠牌拍示，不過都唔使點睇，得一條車路，記得係消防頭個路口轉右就得啦
支路盡頭就見到個私人停車場
最深處就見到個中心啦
間教育中心係一間兩層高嘅平房，入去比咗廿元入場費就轉往保育區．年費係兩百元，但我一年都唔會入去十次，所以都係逐次比抵啲
返回大路轉右，向迴旋處方向行
過咗小河，沿右邊山路向上行不遠就見到個路牌
沿林蔭路行不遠就到達入口
區內種有不同適合蝴蝶生長的植物，大多是一些生得比較矮小的植物，方便遊人觀賞及拍照，但遲啲長大後就？
由於大部份都係原生植物，所以極適合蝴蝶居住及覓食
我對植物的認識不多，睇咗個名都唔記得邊棵打邊棵
勝紅薊（藿香薊）(Ageratum Conyzoides)－ 菊科外來草本植物，斑蝶食物
大約拍攝到十二點半，開始頂唔順啦，就打道回府
回望鳳園（右邊）
後記：呢個鳳園保育計劃都算係傳統本地鄉村發展的一個方向，一大片原生風水林保存咗鄉郊的地貌，又可以引入外來資金來支持保育區的運作，都應該支持吓嘅．
幼時對蝴蝶十分痛恨，因為她們經常飛到陽台上的白蘭樹產卵，跟著就會有一條黑色多毛的蟲出現，樹葉也會冇咗一大邊，之後會有個蛹吊在樹葉下．．．但大咗之後就開始對她們產生興趣，其實蝴蝶都很美麗的。
沒有留言:
張貼留言