從晴朗又炎熱的一天向馬灣出發

今早晨咁早就起咗身，七點就去咗星光老麥食咗個早餐，跟住就過海去二號碼頭，有舊厚雲遮住太平山，其他地方就好好啦．

門票要0730先有得派．

中環船十五分鐘一班，咁就搭咗0745班船入去啦．

隻船都幾大，幾乾淨．

開船個陣出咗碼頭幾隻船位就倒車，唔知做乜，跟住就飛奔入馬灣啦，沿途隻船都幾定，條橋幾時起好呢．．．

七點十個字就開船啦，八點二個字就到咗珀麗灣．．．其實係馬灣至真．

馬灣之前應該只來過三次，最後一次都係廿年前啦，個陣時仲同對面屋一家人一齊去游水添．其他都冇乜印象，只記得啲小動物都係加大碼，唔使用放大鏡都睇得好清楚．落咗船，行咗一段路，好有離島優閒個種feel，不過個太陽都好曬

再望吓條青馬橋原來咁近喎，中間舊石好熟面口．．．

呢座就係傳說中嘅挪亞方舟啦，不過仲未起好，如果起好之後會唔會再．．．

行咗一陣，就去咗上青馬橋個位置啦，穿過下面就會到公園個入口啦．

邊個話要用684去影雀嫁，用wide-angle都得．

待續．．．