今天氣溫非常悶熱，早上仲有啲雨，又係晨咁早出門去玩啦，我始終都係鍾意一早出去玩，一來少啲人，二來時間好似多咗咁，攪一大輪先天黑．呢排影咗咁多相，又有排執啦，不過今次就直出啦,三百幾張唔玩啦．
八點半約咗親戚係銅鑼灣等，但係今早七點半食完早餐就慢慢行去搭巴士，天氣實在好熱，快啲都overheat，太約七點八個字到巴士站，見個站都有啲人等緊，就望吓個108路線時間表啦，十五分鐘一班，當架車剛剛走咗，最多都係三個字啫，大把時間，點知八點一個字都冇車，唔係呀，總站後第三個站喎，條路又唔塞，都唔知乜事，心諗總之下一班隧巴經灣仔就上啦，最後有101來到，係灣仔道落車，穿街市同時代去禮頓道方向，就出事啦，話說時代廣場係我死穴，係霎東街出入就冇問題，後邊個出口就成日出咗就唔知行咗去邊，想行去利舞台，點知又行咗去個鐘度
，啲街三尖八角都唔知點行．
差唔多八點九入到大球場，朝早梗係想去東看台啦，唔使曬嗎，點知啲官僚作風又出來啦，個主禮台係西看台，所以全世界都要坐西邊食晒東邊出來個太陽，特首又話要以民為本嘅，你都知呢啲節目有好多老人家比足面你黎捧場，你自己個位就有得遮，其他人就大部份都要曬住睇，你於心何忍呢，最後啲老人家都唔知走晒去邊啦．
香港係一個特區，特首係軍方又冇官階，閱兵點都唔輪到你啦，好在香港有批紀律部隊比你過下癮，仲要有英國色彩喎，你話幾威呢．如果只得幾枝紀律部隊會比人打小報告，於是啲"民兵"又有份玩，著制服識操都有得玩，仲要耍返套拳先，與民同樂都幾好呀，起碼啲小朋友都有機會出來見下大場面，最後仲有啲唱歌人出來表演助慶，成個嘉年華會咁，如果有埋大戲做就perfect啦，起碼啲老人家都冇咁悶呀
，twins都可能識識地，泳兒就應該冇乜人知啦．
路家敏姐姐呀，又回憶起好多童年住事，七十年代幾套經典電視劇，港台當年啲節目真係超正，完全反映當年啲民生民情．依家就有啲少眾嘅感覺，唔夠大路囉，究竟公營的要走大眾路線定話係"高品味"的就真係唔識答啦．
其實開場之前啲銀樂隊表演好震撼，成個白色地台都係銀樂隊．
最型都係呢個總指揮，仲勁過葉詠詩．
總指揮之下仲有個小指揮．．．
銀樂隊退場，大會操正式開始．
入境事務處．
消防處．
警務處．
懲教署．
海關．
其他啲就係中間操入場，好多都唔知係邊個團體，好似係民安隊．
海軍定水兵呀
．
紅十字會．
女童軍．
男童軍．
Leader.
其實特首現在先入場，但唔知幾時走咗啦．
奏完國歌之後就有兩條海豚係天空飛過．
跟住就全體步操離場．
中間梗係有銀樂隊伴奏啦．
最後警察銀樂隊移咗去小路上面．
各紀律部隊再次進場，表演無口今步操．
坐得太低，睇唔到個form，要睇三色台轉播先得．
有幾次嗚槍表演．
都係有枝槍形啲．
全體紀律部隊退場之後，由一班小朋友表演功夫操，驚部機overheat冇影到
．跟住就到民安隊單車表演．
當然仲有銀樂隊件奏啦．
勁呀．
跟住又到童軍表演時間，習作係扎高台．
然後就做佈景板．
到泳兒出場啦，唱咗兩首歌．
跟住就係海關同緝毒犬表演，有30幾隻有20隻係度，咁．．．
泳兒同啲狗狗一齊步離會場．
又係例牌搵毒品啦，個行李箱入面有榴槤，洋蔥，大蒜及大麻
，其實都唔知佢開邊瓣．跟住個疑人就要接受滿清十大酷刑，將人壓係熱板上
．
到穿屎出場啦，又玩吓幾步無口令步操，佢地跳舞都跟唔到，玩多幾步就出事啦
．
又學吓人影星先．
最後又全部入晒場作告別儀式．
隻海豚又游．．．唔係．．．係飛返黎啦．
之後係場邊嘅銀樂隊就吹住
後記：香港人啲公德心都冇乜啦，未開場你做乜都冇所謂啦，坐前排個啲戴帽都要打傘都算啦，你哋唔好企埋起身呀，又唔係食玻璃大，後邊個啲點睇呀，呢啲野要學吓前宗主國啦，睇溫布頓邊有呢啲野出現嫁，冇頂遮太陽都只係戴帽，不過闊咗啲啫．
沒有留言:
張貼留言