都係多得Brenda報料，知道美荷樓會開放部份地方比公眾參觀．
係馬灣出咗葵芳後發覺個太陽好毒，唔再舊地重遊囉，於是坐地龍出深水埗，再去美荷樓行個圈．
石硤尾邨，從少到大經過就多，入去都係中學之後先入過去，到後期遷拆時就冇再入啦．話說當年唔知點解成日去機場送機，係葵芳坐40號去機場就一定經過石硤尾的，最記得就係條窩仔街，因為架車會好慢上斜，再轉返出界限街就好快到機場，因為條路冇乜客上落．
七層高公共房屋係香港發展史上的一個里程碑，當年港英政府在石硤尾大火後急建公共房屋，為一大班小市民提供一個穩定的居所，唔使再驚一把火燒晒成條木屋村，人人開始搵錢積財，好快就發展成今日呢個香港．
對面嘅39及40座已經開始拆卸緊，一代歷史建築物的終結．
只係剩美荷樓保存下來，由於之前仲係有人居住，所以裡面的設備都有所更新，"配合"現代化的需要．
七層大廈必有的設備：魚骨天線，不過呢枝可能係公用的．
呢棵樹應該陪伴咗幾代人長大啦．
以前啲園藝都非常簡單，一個石屎花盤種幾棵草就算啦．
唔知佢地現在點呢，可能會係一個好好嘅電影題材．
門頂上面個電錶都冇咗．
呢啲就係以往邨童必做的事．
當中有兩間房間佈置好及開放，啲擺設睇唔出幾時，有新有舊，好難估，但有一點好肯定就係住緊個陣唔會咁少野囉．
張相就好似好舊，唔識．
但呢部應該係彩電，仲要係7系添．
另一間，有雪櫃，雙門都係後期，應該係8系．但右手邊個四桶櫃就好懷念啦．
呢個都算係經典啦．
長長的走廊，由於層數少及採用單邊的設計，所以向內的方向就算係地下都有充足的光線，唔似現左的樓房成六七十層高，住低幾層向內園日間都要開燈，唔通呢啲就係時代的進步
由外牆及天花可以看到美荷樓真係老啦，五十幾年樓齡以及低水平的建築施工，要修葺都要花好多錢，但都值嘅．
始終覺得一座建築係要有人先變得活起來．
這就是出路嗎．．．．．．
後記：今日係全年最熱的一日，我死啦．．．
非常佩服你咁熱都週圍去...... 你對攝影o既熱誠真係.... 勁呀...
回覆刪除7層公屋我住過 ga! 小三以前就係住呢 d ga la! 而果條村一早唔見左 lu........不過我住果間只得相中半間咁大, 都係用相中既電視 & 雪櫃. 部電視好勁 ga! 由我有記憶開始已經用緊, 當時好似已經用左 1x年. 直到 9x 年, 我伯爺搬埋新屋都要拎埋去新屋用. 都係近幾年先比人丰掉左 jar! 應該 at least 用左 3x年 law! 而家 d LCD, 用左 3-4年仲未有問題都叫叻 la! 我記得以前我係玩曬成層5樓, 同其他小朋友搓樓梯就會玩到6樓.! 家家戶戶都唔関門, 全層既人都識曬, 當我比媽媽打時, 都係全層既人都知道曬 law!!! 當搬左去大埔之後, 已經唔知咩叫鄰居 lu...........
回覆刪除Emma:THX , 不過唔會有飯吃. Creamy媽：係未白田？唔好認細又或者扮失憶 ，呢部一定係7系初至中期機(我屋企雖然冇擁有過，但我識點tune台)，妳啲記憶唔會得幾年嗎..........................................................同一層嘅一定知姓乜，熟唔熟就一另回事，比阿媽打成層都知好正常，但係佢地連妳食乜飯餸都知妳又知唔知呀 ．LCD五六年都會冇乜問題，電漿機就唔知啦．
回覆刪除我之前放工夜都會搭40號呀, 經過都無人住既.
回覆刪除Brenda:冇理由,夜晚好多 喎
回覆刪除時運高睇唔到.
回覆刪除有d懷念, 細個住屋村個時間間屋都係咁的樣.
回覆刪除Christie：我覺得如果佢第日每層都佈置設唔同年代咁會好啲，依家show個兩間比較現代少少．
回覆刪除不過真係唔知政府想點, 之前已經封晒d樓, 忽然又開幾返幾座俾人身參觀, 只限於地下, 之後好快又封返 , 然後就到美荷樓, 不過今次都好d 無上次甘求奇. "始終覺得一座建築係要有人先變得活起來．" <----十分有同感 很喜歡這張相片, 我諗都無乜機會再見到這樣特色的樓房.
回覆刪除5ML:thx. , 政府有佢難處,我估主要係安全同保險問題.妳都知唔係個個香港人都咁有公德心.啱啱同同事傾過,佢以前係入多幾座住,佢話唔夠古老,好多現代設備加咗入去,冇咗個種味道.
回覆刪除"好多現代設備加咗入去,冇咗個種味道" ---> 係啦, d去水渠同消防設施好礙眼！ 上次去到無得入，揾日再去過先！
回覆刪除Dr Evil:係就快啲啦,到729咋.
回覆刪除收到，釘橋釘橋！
回覆刪除99入得屋嗎? 有冇實蕉?
回覆刪除◈湯米◈有實蕉,要簽個名.
回覆刪除