99公園070712(加相)

連續兩日出咗去影日落，身心俱疲

．昨晚去西九，今晚就過大海，去咗灣仔個狗狗公園，出去個公園真係唔就腳，結果都係由灣仔碼頭個邊出，冇咁曬呀嗎．入去公園條路仲鬼祟，要經過個抽水泵房同海邊的一條小路先得，仲有個牌叫人唔好停留

．

唔知自己隻腳行得快定條路短，比預計早咗三個字入到個公園，無乜人喎，梗係啦，個太陽仲咁熱，狗都係得兩三隻．今次都影咗幾多相，但冇乜時間去處理，特別係試咗張pano 360,都唔知幾時得閒駁埋佢．

天氣依然唔係咁好，煙霞比昨日更多，其實呢個位唔係咁理想，尖東個邊背光而西九就順光，光差大，好難處理．

公園有啲平面人像，最特別就係呢個啦，等咗幾班船先影到張相

，不過都係行得遠，近啲就好啦．原相係可以見到天星小輪內的金光，但縮咗圖之後就冇晒囉．

九龍站的新建築，應該會成為"新地標"，有座成百層的商廈係住宅區，隔離啲豪宅點算呢

，個天台原來係可以仰望人地個Office喎，又或者返工都唔使司機接送，環保好多喎，藍天又有望啦

．

繁忙的紅磡灣海旁，原來李生啲樓都起得好密喎．

今次唔係坐船過灣仔，冇得係船上影相

．

都係做唔到鱗光閃閃個樣嘅．

日落碼頭．

magic動畫（出現banding係因為gif個format唔夠bit-depth).

失望的一個黃昏．

以往由香港望過九龍個天空線好平直，就算尖東有燈飾都覺特好平淡，現在開始有啲野睇啦，隨手一指都可以知道那處是什麼地區，尖沙嘴，西九，佐敦，旺角，紅磡，土瓜灣都有啲六十層以上嘅樓係度，不過一兩棟就夠啦，太多會好膩．．．

又到平面人介紹夜景的時候啦．

冇理由喎，Canon相機影唔到個Canon招牌．

同場加演：唔 magic o既 hour

p.s. 其實仲有幾張人像照的，不過未經當事人同意就唔出啦．