20110224的晚餐

做咗兩日勞動，今日早點回家，沖完涼之後有心情就搵野整來吃。

又係ＵＮＹ買咗啲荷蘭大蘑菇，今次原隻加炒好的意大利煙腩、洋蔥及蒜泥去焗。

豬扒係早日係吉Ｘ島買的，因為驚今日遲返買唔到餸就買定返來。澳洲帶骨豬扒今次先上少許芝士，再舖上意大利火腿，上粉、蛋漿及包糠去炸。

呢件大件少少，溫油炸四分鐘都係剛剛熟，另一件細少許的就完全熟透。