20110214的晚餐

本來打算早啲返來整，點知有個唔生鏽搞到六點半先走得。

再去買點食材返到屋企已經七點半。

午飯時走去買的生蠔，見有一打三款的賣，不過應該食唔晒，自己揀半打好了。

凍凍地最好飲湯，冇龍蝦湯賣，蟹都照殺啦。

新鮮青豆配炒飯最好食，見啲荷蘭蘑菇好大隻，唔買紐西蘭的，蕃茄舶來品冇乜選擇，支持下本地貨，幾經辛苦先揀到呢包豬扒，最後都冇食個椰菜。

家中的存貨，兩款意大利罐頭蕃茄，洋蔥半個切茸，半個切塊，茄膏及麵包糠。

整咗個有史以來最複雜的蕃茄汁，為防之後唔記得點整，寫返低啲要點。

先炒香半個洋蔥及兩瓣蒜泥，加茄膏、紅酒、兩罐蕃茄、茄汁、鹽、糖及意大利黑醋，打爛，最後多加兩種茄汁。

兩人一枝香檳會飲得好辛苦，最後買半枝裝。

左）Gillardeau Speciale, Pousse en Claire Green, Irish （右

罐頭忌廉蟹皇湯加酥皮焗。

炒香洋蔥，荷蘭蘑菇及鮮茄，加蕃茄醬煮。今天用新鮮飯加蛋汁及青豆去炒，啲飯炒好耐先走到水。黑毛豬上粉、蛋及麵包糠去炸。

巧克力結尾。

兩小時煮一餐飯，半小時多一點就吃完。其實蕃茄醬及飯如果早一天準備，今晚就唔會咁辛苦，廚房細，煮緊都要洗兩次先有地方用。