C & R Wedding

今日係Conny同Robin結婚的大日子，有幸又不幸地要幫對新人拍照

幸運的當是主人家睇得起你才會叫你幫手，不幸的就是自己甚少參與人像拍攝的玩意，對上一次拍婚禮花絮都已經係兩年前了。

今日仲要去一個未去過的地方

沒有了接新娘的玩意，主要事項在黃昏後出現，環境未知如何，要準備什麼器才呢，八百萬像的相片對我已經好足夠，所以沒有升級的動機，閃光燈對我來說是一件可有可無的東西，因為甚少用上，就算是晚間拍攝都是用腳架為主，加上自己用的那一枝閃光燈的歲數已經過了十年，唔係唔用得，只係有時發下脾四咁啫。好在主人家願意借出機身及閃光燈，千五萬像數加一枝比較可靠的閃光燈，而自己的就當作做後備，問題已經解決了大部份。

午飯過後，新娘子開始化妝，而我就開始睇下個環境如何。

今天的天氣比較熱，不過天文台話明天會轉凍。

新娘房及麻將耍樂區在四樓。

而宴會及儀式的場地在三樓。出事啦，夜晚拍戶外，唔知點拍，得二個選擇，一係直打，唔係就唔拍。

迷人的馬場景。

室外的佈置，第一次去飲係有抽菸區的。

主家席。

由於時間尚早，室內的主要光源仲係日光。而室內的樓底比較低，主色又是白色，即係枝燈點向都唔會有大問題。

主要負責拍攝的已經佈置好拍攝器材，有兩年冇去飲啦，現在個個都要加枝影樓燈去拍。用影樓燈一定比機頂燈好，不過出來個效果就要睇功力啦。

唔開閃燈都已經好光，不過燈光全部由下打上。

祝酒用的香檳杯及敬茶用的茶杯。

汽水陣。

紅酒陣，白酒在雪櫃休息。

雞尾酒杯陣。

主要入口，不過好多人都係由另一邊入。

比清明上河圖更長的簽名布。

仲未有餡的。

小禮物，C小姐的出品，我都有份做包裝的其中一環的。

是晚的一位主角，唔用乳豬就用烤全羊。

結婚都仲有咁多電話講。

搵邊位

f/2.0的魅力。

一人一張唔洗爭。

開始携手步入人生的另外一個階段。

其他的相片主要係賓客的簽名相，唔出啦。

後記，今晚冇乜點拍兩位主角，原因係有太多人圍住佢地來拍，一個拍錄像，一個拍正式記錄（加一位助手），一個拍花絮（加一位助手），仲有一位係外圍的追擊手，我都唔知係邊先唔會阻住佢地，個個位都係企咗人，剩返個啲都係唔係我想要的角度，都係四維拍下其他賓客好啦，最後發現係簽名的範圍有啲野玩下，留係個度個時間比較耐。