午飯@富聲

阪本小姐第N次來港。雖然佢地來香港比日本國內由大阪去北海道還要便宜，但都係唔係太明點解香港咁有吸引力。近來日買高漲，佢洗錢洗得特別開心。今次佢約埋另一位在東京的加滕小姐一起來香港食食食食食．．．

我都係出來食餸尾的，昨晚已經去咗金山食晚飯，出品一次比一次差，廚房做得切生產，但係啲傳菜唔夠人手，上到來的餸菜唔夠熱，不過係日本國內的旅遊blog係大力推介的，我諗仲有排食。

今早一早又去灣仔飲茶。當然係先座遊客必坐的天星小輪由尖沙咀去灣仔。

老婆公司隔離的酒樓，聽就聽得多，食就第一次去。

七味炸豆腐。一定要熱食，個皮好脆同挺，入面就軟滑。搵時間要研究下點整。

燒腩仔。手工一般，個皮仲帶有燶味。

腐皮卷。超油，我估係呢件野攪到我個胃唔舒服咗大半天。

酥皮叉燒餐包。要熱食，凍少少會唔好食。皮餡的比例做得好，不過個酥皮用的油我唔係咁喜歡。

雞肉撻。個餡做得幾好。不過餅皮始終唔係太喜歡吃。

燒賣。正常水準。

干扁四季豆。煮時油溫較高，有少少味出咗來。

煎釀百花蘿蔔糕。個配對做得幾好。

我始終唔喜歡蝦餃入面用原隻蝦的，不過大部份人都覺得原隻上有睇頭。問題在於用原隻蝦做餡的話除非一口吃下，否則餡料一定會散，啲蝦會跌出來，跟全就各散東西，咁就會失去餃子的原意。

雞蛋撻。唔計餅皮，個蛋漿用料一般。

之後送咗糖水，我唔食湯圓，叫咗楊枝甘露，柚子唔係時候，唔好食。

今次阪本小姐又買咗一堆食材比我，有芥末鹽，柚子醋，梅子及餅。

隻雞仔餅係加滕小姐送的，係八十年代東京成田機場的特產，差不多個個人經過都會買的。