2010冬至

庚寅的冬至，唔想花時間係交通上來回大埔九龍，結果又要係屋企煮。

收四點幾，返到去五點唔夠。

今早煲好個鮮鮑魚螺肉烏雞湯，返來攞隻鮑魚及螺肉去炆冬菇、瑤柱、海蔘、鵝掌及蝦籽。

由於個煲唔夠大，要將六隻鵝掌起咗條大骨出來，結果搞咗半個鐘．．．

今次試用文武火交替去炆，效果都唔錯，由於時間關係，文火多炆十五分鐘就更好啦。

耐冇用啲金腿，有少許油味，個汁欠咗少少鹹鮮味，不過最後差不多比人食晒。

阿媽要食菜芯，另外炒多一碟蒜泥塔菜。

來料加工，燒肉及白切雞。

豉油皇煎大蝦，趕時間，仲未煎到阿媽唔燶面的水準。燶的原因係蝦膏自己流出來而焦的