一早六點幾起身見個天好多厚雲，洗完機衫都唔知放唔放出去好．．．
去到球場見個地有積水
，但係馬路又唔見有水氹．．．
返到屋企等C小姐
，最後十二點入到東涌。
見360排隊都排到天橋，應該仲有前途的．．．
搭車入大澳，行新的東涌道，車程快咗好多，其實應該係啲車比以往新，馬力又大，上大斜完全係力的表現，唔似以前行都快過佢．．．
大澳假日依家攪咗好多表演，吸引好多本地旅行團來玩，不過我就唔好呢啲野啦。
人山人海，是旦搵間店舖醫下肚。
叫咗椒鹽九肚魚及椒鹽鮮魷，加碟金銀蛋白菜仔及一枝啤酒。
食飽就四維行下，先出去廟個邊先。
沿途見好多貓，呢兩隻貓仔好細隻。
大澳最特別都係有啲屋油到成間都係銀色。
烏蠅＆魚。
鹽爆魚肚中，阿嬸叫唔好出鏡。
呢邊少啲人，清靜咗好多。
水退中．．．
上咗去觀景亭，煙霞太大，出面都係海平線一條。
好多人垂釣。
調過都係咁樣，可想而知有個天有幾灰．．．
不過漁村又係另一種味道．．．
待續．．．
想去好耐 ........ 你去又唔出聲 ....
回覆刪除[版主回覆11/30/2009 19:33:00]搵日再去過
去海韻開餐食過啦 ! 人多熱閙呀 ! 一齊啦 !
回覆刪除[版主回覆12/01/2009 08:23:00]星期日真係好多人...
大澳應該係寧靜的漁村...
但係成街都係人...
仲要係唔郁個種...
係咁架啦 ! 香港地 , 地少人多 , 去釣魚翁都係一車車旅遊車咁去架 ! 嚇 C 我地呀 !
回覆刪除[版主回覆12/01/2009 11:27:00]以往星期日係人多,但唔係多人到行唔到...
所以依家唔想行呢類郊遊徑啦...
好難有地方少人架啦 !
回覆刪除[版主回覆12/01/2009 12:22:00](Empty)
oh...原來你都去左大嶼山....其實上星期六大澳早上有個"水上新娘"結婚活動呀....你應該miss 左, 如果唔係可以勁影相...hehe
回覆刪除[版主回覆12/02/2009 13:10:00]下午仲有,不過我唔會影的
一來係做戲,二來人太多的影相活動我係冇乜興趣的,除非係工作人員啦,唔係都係遠遠咁影埋去,唔會拍到我想要的東西.