20091101的晚餐

一轉入十一月就即刻開始涼啦．．．

今早好晏先起身，食完早餐及行完各大超市之後就返屋Hea下．．．

下午冇食飯，夜晚早點食，因為又要去打波．．．

今晚其實都幾簡單，白汁煮法國新鮮藍青口加天使意粉。

．

昨晚食完飯係城市超級見到法國新鮮藍青口都覺得非常想食，於是就買咗返來。

先用洋蔥、紅蘿蔔、西芹、蒜瓣、乾辣椒、黑胡椒及香葉煲咗個菜湯底先。

隔好湯底再煮至大滾，加入青口煮至開口，再隔去汁液煮白汁。

另外再用洋蔥碎、紅蘿蔔細粒、西芹細粒、紅辣椒細粒、蒜泥、煙肉碎、牛奶、忌廉及煮好青口的湯汁煮成稀白汁。

今次用闊口的煎Pan上枱，因為Le Creuset太深食唔到啲白汁。

稀白汁配天使意粉最合味。

加一口冰凍的Tradition的Gewurztraminer就最合襯啦。

簡簡單單的一餐，唔需要成枱都係，法國的藍青口始終啲肉質比澳紐的嫩滑好多倍，兩個人食晒一公斤加少少意粉都好飽肚啦。

．

今餐飲咗半枝，因為要去打波，打完波返來再配芝士飲埋餘下的半枝．．．