20110403的晚餐

係黃埔吉ｘ島見有條劏好都有斤四両的石九公。

返來跟書整。好在早日睇過意大利人點煮食先發覺本書有錯，如果搬字過紙就死得。

過兩日去燒烤，買定條神仙大尾魷返來處理好，返來劏魚時見個墨囊好完整，即刻用佢來整墨汁鴨蛋麵。

壓麵個陣似壓車胎膠多啲，食落真係好有鹹鮮味。

配魚及茄醬食真係一流。咁大條石九公都係第一次食，肉質都幾彈口。