2010母親節

冇帶相機返大埔，所以冇拍照。。。

。

去咗大埔街市買咗條兩斤十的游水石頭魚，劏個陣叫佢比埋個魚扣，返去起咗兩條肉切厚片加沖菜絲、冬菇絲、巴馬火腿絲、豉油、糖、蠔油、生粉及油，魚扣切絲加埋落啲肉來蒸。另外魚下顎又用相同的配料，加少量豆豉辣椒醬蒸。由於屋企煲咗湯，魚頭及魚骨就明日再煲。

。

買咗啲大扇貝，帶子肉就加喜馬拉亞岩鹽及胡椒，上咗少少薄粉去煎，裙邊就快炒加豉油及蠔油芡。

。

屋企本身都仲有啲其他餸：絲瓜炒乾魷，節瓜冬菇燜排骨。

。

咁就過咗一個簡單的母親節啦。