20100523的晚餐

是日一早出去濕平，瞓得唔夠，下午返屋企又眠一眠。

之後去街市都係冇乜特別野賣，見有一段時間冇食蟹，就買咗隻一斤多少少的泥蟹返來。

呢隻係我買咁多年羔蟹以來最靚的一隻，頂肉又爆羔，仲有少少重皮。

蟹身蒸至八成熟拆肉，加入洋蔥、芝士、麵包糠、麵粉、蛋、蟹黃及薯茸後半煎炸至金黃色。

另外用ＸＯ醬炒多一碟甜豆又一餐啦。