20100525的晚餐

今日放假一天，但係又瞓得唔好

整好個焗爐之後，個人都好攰。冇乜心機去試爐溫，新開張冇理由整到佢成身油，都係搵啲比較乾淨啲野試下。屋企仲有啲腰果，出完水之後就入焗爐試不同的溫度去焗走啲水份同埋整脆佢。初步感覺個爐溫比上一個好似低咗少少，不過呢個爐個火力仲大咗五百瓦，可能係錯覺啦，或者有時間搵個溫度計去試一試先。

唔想午睡，因為未來幾天都好多野做，攪亂咗個生理時鐘就好麻煩。

今日好好太陽，又唔熱，最好係去行山的。

一早預備好啲羊膝，用雜菜及紅酒醃咗大半天，今次唔落蘑菇，只係加咗一隻茴香。用蕃茄加牛湯底用慢火去燜二個鐘。

炒多碟芥蘭又一餐啦。