食食食＠霧都TKO

星期六出咗i-方食燒烤午餐，興高采烈入去，結果都係失望而回．．．

都未食完已經要打比阿乒乒媽問幾時開餐

最快當然係星期天啦．．．

食完行去韓國街買咗兩卷牛助條及五大片伊達赤豚，如果夠時間就會去灣仔買原塊返來自己起．．．

牛肉醃咗一晚之後就可以用來燒啦。

豬就用岩鹽及黑椒烤前灑上面。

是晚只係得幾碟：，再加黑椒麻油來吃，呢隻豬用炭火燒會更美味。

，因為一卷牛肉有成兩呎長，要剪開來烤。

因為C小姐病了（不過一日食兩場燒烤），所以冇帶芝麻葉泡菜入去．．．

食時用羅馬生菜加少少韓式辣醬包著來吃。

帶子炒西蘭花。食咗咁多肉，有少少海鮮類食物會平衡一點，冇貴妃蚌賣，買咗三十蚊兩份帶子去炒，因為生抽售罄，只用XO醬、蠔油、魚露、糖及鹽去煮，少咗一份豆香。帶子裙邊比肉好食好多，下次不如試下只用帶子裙邊去炒。

C小姐的甜品，朱古力蛋糕。

乒乒肥肥下午已經食咗好多野，今晚啲餸多味冇野啱佢地食，只係另外整咗啲手切蛋麵加少許Ricotta芝士及蝦子當晚餐。