早上係家中睇返上星期的飲食節目，想起好耐冇去流浮山，於是下午就啟程入去。
坐12A去南昌站，點知個司機臨天光賴尿，係轉最後一個彎之前發車瘟，前面架212都未開車就自己開車撞埋去。
原來巴士的泵把唔係全車最前的位置
，枝水撥先係最前的一部份，結果左邊塊大銀幕比枝水撥壓裂咗，水箱又爆埋．．．咁個泵把用來做乜的
我諗最驚都係前面架212上層尾部的那位小朋友，撞個下嚇到佢．．．
去南昌站買咗兩張全日通，來回流浮山都係廿蚊一位
係天水圍轉接駁巴士入去真係好快，十分鐘左右就到迴旋處。
天未黑就出去海邊行一陣。都唔記得上一次來流浮山海邊係幾時，只記得西部通道好似仲未起，當時行咗一陣就走人，因為曬起咗啲臭腥味真係好難頂．．．今日就好好多，得返少少海水味。
太陽伯伯怕羞，久不久出來好短時間．．．好眼的就見到成地都係蟹。
水退得好低．．．
呢隻黑毛的唔知係乜雀。
來咗咁多次都未試過行得咁出的．．．
對面就係蛇口啦。
有雀的踪跡。
不時有人出去上船唔知去邊釣魚。
臨走先肯露多啲。
玩完，準備去食飯．．．
沒有留言:
張貼留言