20081019的晚餐

今晚手痕煮咗兩個餸，金蒜蒸帶子，帶子只要肉柱及裙邊，用調咗味的粉絲墊底，放上帶子肉及裙邊，再放上金蒜及陳皮絲，少許胡椒粉，蒸好後灑上蔥花及熟油。

亂咁炒蘭花蟹。蟹劏好後用油煎好後盛起，再爆炒好啲料頭：洋蔥、辣椒、薑及蔥白，再將蟹回鑊，灒酒及雞湯，焗片刻後加入調好的醬料：糖、黑豆豉油、魚露、辣椒醬、味醂、蠔油、胡椒粉及生粉再加蓋至熟透。