今日大清早起床，九時半吃完早餐搭火車過關，十點已經到咗深圳，坐咗廿蚊的士，十時三左右就到咗田貝四路搵建材。攪咗一大輪終於買晒啲牆磚及地磚，價錢比香港選好的平三份一左右，但材料的級數比在香港選的又高了一級，係香港我已經用電腦砌咗一次磚，不過係用一二呎工字形砌法，不過最後廚房用的就轉咗用呎半乘一呎直砌，結果要當場即刻計一次．．．（好在返來覆一次都冇錯到
）
價錢都冇乜點講，因為我不精於此道，價錢適合就可以啦，應該下星期六就可以送到新居啦。
有一點遺憾就係搵唔到合適的牆紙，因為選牆紙係一個非常花時間的工序，要一本一本的揀，睇得上眼的開價仲貴過香港，有一款跟在香港選的差不多，但合計都係便宜數百元，手工當然又粗糙少少啦。最後都要返來慢慢再計算過．．．
沒有留言:
張貼留言