20081017的午餐@上海飽餃店

今日去咗上海飽餃店食午餐，呢間店舖經過咗N年都未入過去一次。今日有一個麥太要陪蝦子賓食飯，所以又可以去試新野食啦。其實另一個麥太食過佢啲出品(外賣)，今次佢話要試下堂食喎．．．

堂坐的位好少，十個位都唔知有冇，枱就有好多，不過大部份都放滿晒蒸籠。

叫咗兩個生煎包(左邊)、牛肉包及兩杯豆漿。包的皮幾好食，牛肉包的汁液豐富，味道偏淡。

一籠小籠包，正常的皮，夠薄又唔爛。

及一籠菜肉蒸餃，個皮死咗啲，應該煎會好食好多。

最後叫多一個蔥油餅。唔係好油，飽肚用。

所有野都係48.5，平均每人24.25。

之後去左附近一間小食店買甜pancake食，一人一個甜pancake，最後麥太飽死左。