20081022@裝修的第十六點五天

今早一早返office攪埋啲手尾，本來打算食飯前走咗收浴缸，點知要飯後先送到。

上到去又係三人行，廚房內的磚已經舖好，冇舖的位置會係不繡鋼板及上廚櫃的位置，無謂浪費啲磚啦。枱面的高度會係現在的磚頂位，好似高咗啲，不過地下仲未舖。

 

用咗白色面，間廚房即刻光猛晒。

做了防水的廚房牆身，睇返原來星期一夜晚上去的係地台防水，唔怪得開得個英泥漿咁水啦。

好有質感的廁所牆身。

一面牆已經完成，窗個面牆已經上緊，上埋個浴缸就全速舖砌。浴缸未到個陣有個師傅開始穿電線。

一點半個浴缸終於到啦。

上料上到hum hum聲，做都做死佢，不過佢訂個門框仲未到，有啲位仲未可以開工舖。

記錄完畢。