20081005Lunch@Shakey's Pizza

伙大埔食到冇野好食，今個晏晝去咗呢間食比薩，中午時份當然係食午餐啦。

經過一輪配對之後，揀咗凱撒沙律、炸魷魚圈、是日精選薄餅及肉醬意粉。

除咗個薄餅做的技巧好好之外，餡料配搭就係個人口味問題（甜的薄餅餡），其他無樣得。

沙律啲菜出水（好多舖都會），但係個汁係冇味的．．．

炸魷魚圈啲粉就厚咗啲，水平一般啦．．．

個意粉真係經典，肉少都好正常，但係又係冇味、汁好水、仲有少許鯹味，可能係啲肉問題．．．

相信好快就見唔到間舖啦。