回歸又去搵乒乒

七一四維都係人，最好都係遠離煩囂。

早日係市場地買了一條威爾斯小羊肩，份量不大不小，四人食啱啱夠，六人食就唔多夠，即係要加其他餸菜。

小羊肩已經去骨，解凍後打開用迷迭香加普羅旺斯香草、鹽、胡椒及油醃，然後卷起用綿繩扎好，外面再塗上小許豉油。原條焗出來的肉質肉味跟切開來烤焗的不同，應該係流失的肉汁比較少，所以肉味會更濃郁。原本想整好個汁的，不過太多餸菜要一次過處理，又趕住食，唔理啦。

牡丹蝦兩吃，一半用紹興酒醉加蟹籽。

另一半生吃。我冇時間去整呢味餸，全部都係C小姐處理的。

生果沙律加農場走地雞蛋。

去到街市見唔係有好多食材賣，只係買啲大蜆返來拆肉，加白汁煮意粉。

覺得肉好似唔夠，加多味快餐餸，金菇牛肉卷。

絲瓜炒蝦乾，放多陣就出晒水。

蒜泥粉絲蒸貴妃蚌。

另外又繼續整Clafoutis，買咗磅車厘子，加啲黑莓一齊焗，今次蛋漿的份量用上兩磅車厘子的份量，效果比早日整的更好。