20101120的晚餐

進入十一月最後個兩個星期又係狩獵時間，一早去咗其埔兩個山頭，搵唔到。休息一陣去咗尖咀又係唔啱心水，最後都係要去返九龍塘先搵到．．．

另外今早係黃埔搵到件加拿大帶骨豬，買少量薯仔用陶瓷刨刨薄片，唔洗切得咁辛苦，加洋蔥絲，都係用刨刨快好多，不過就唔夠切的幼細，百里香及蒜泥及豬上湯又去煮個法國菜。今次用足160度焗個半小時。

另外又捉咗半打Coffin Bay回來，海水味好重，主要原因係食時才開，只用水洗走表面的污垢蠔殼，肉質內的海水仲未排出，即係好鹹；肉質帶金屬味。

紐西蘭Marlborough出產的Sauvignon Blanc都已經唔錯，唔係太貴，一般飲用都已經可以啦。

早日係九龍城見有減價貸出售，保質期短一點，不過就好耐冇食，好懷念師兄當年係俄羅斯帶回來的那一盒。

終於係九龍塘買到呢種餅，今晚可以開來吃啦。

左邊的是魚籽醬，右的則是松露醬，今晚只欠鵝肝（在冰箱）就齊全啦，人生總要留少許遺憾好一點。

完成品。

綜合多次的試驗，呢味菜最重要係用油，牛油份量一定要足，豬扒帶油的成份又要多，不過為了身體健康的關係，唯有瘦一點食少一點油啦，不過薯仔就非常美味。