20101112的晚餐

早二晚將威爾斯羊腩裁好，原本食譜係只要帶骨的部分，不過得個少少剩，不如整埋佢。先將岩鹽、八角、胡荽籽、及白胡椒粒磨好，再混入蒜泥、香葉、橙青及新鮮百里香，醃一晚（應該十二小時就夠）。

前一晚將醃好的羊腩用廚紙抹去調味料，放入煲內，加油至全部羊腩都覆蓋到，開火加熱至微滾，再放一張中間開孔的牛油紙，然後放入焗爐用九十度煮四小時。

由於整好都已經接近十二時，呢味餸留待今晚才吃。

食前將羊腩從油中取出，抹乾後上薄麵粉，煎脆各面上碟。

第一次用油封方式去煮餸，煮出來的肉質鬆軟冇渣，不過可能醃得耐了一點，有點鹹，不過送啤酒就啱味道啦。

另外加多味苦瓜煮排骨及一些小食又一餐啦。