20110611的晚餐

今個星期又入去搵乒乒。由於都係即興關係，繼續食超市餸菜，去完九龍灣再入坑口。

係九龍灣買咗隻未解凍的法國白油雞，不過急解覺得唔會好食，再去坑口買隻冰鮮的。都係例牌中西混合醃，用啲蒜泥、蔥頭、雜香草、豉油、魚露、鹽及胡椒去醃個雞腔，焗時表皮加少許鹽。

個髀位攞多咗啲皮，個胸位就少咗啲。

買咗啲荷蘭白蘑菇，加啲火雞煙肉、蒜泥、胡椒、芝士及牛油去焗，外皮乾身，但啲菇肉就好多汁。

天氣熱，繼續食沙律。

見有日本青椒仔，釀墨魚肉去燒。

驚唔夠肉食，買咗啲羊架，不過啲肉好乾。

是日甜點，雞蛋鮮奶油烤蘋果。用日本產的大鐘納格果二個，去皮去核切片後加三十克紅糖、三十克牛油及少許拔蘭地一百八十度焗廿分鐘，再加入用一全蛋及一蛋黃、二百亳升忌廉及三十克紅糖拌成的蛋漿再焗廿分鐘。今次用上生鐵器皿，時間應該要減少許。

乒乒的小食，蛋白酥皮包三文治，初頭以為佢地會分開食，但結果係識一齊食。