20101001的晚餐

是日國慶，冇乜活動，只係去超市補貨。

附近的街市冇乜特別餸菜賣，有部份店舖都冇開。

最後去咗旺角街市買咗條四斤重的花鬼，為的唔係魚肉，而係啲骨頭。

一半魚肉加蘆筍及ＸＯ醬來炒，拉完油啲肉都有少少散，冇計啦，平魚係咁啦，肉質比較粗糙。

上次有網友問用芝麻醬伴吃凍豆腐，今次就試下啦，芝麻醬都係日本帶過來的。結果都係用柚子醋比較好吃。

斤半魚頭魚骨煎香用天麻、川芎、白芷、瘦肉及果皮去煲，原本想燉的，不過材料太多，個燉盅放唔晒。