20100822的晚餐

係嘉道理買咗啲青椒、雞蛋及竹筍返來，全部都係有機耕種的。

當然又係整返啲家傳餸菜：釀青椒。時間唔係好夠，不過又唔想買現貨，都係由最基本的做起，買咗三條鯪魚脊返來起肉，粗切細刴，加調味及冬菇粒、蔥粒、臘腸粒、蝦米及果皮拌勻，呢個時候當然要KA出手啦，打好之後放入雪櫃備用。

蟹肉茶碗蒸。買咗隻肉蟹回來，蒸好拆肉放碗底。加入用蒸蟹水加日式高湯及農場雞蛋拌成的蛋漿，大火加蓋蒸六分鐘後再加入蟹鉗及冬菇（唔記得開十字）。

切青椒時感覺到啲青椒好爽脆，跟平時係街市買的完全係唔同，如果食得辣當沙律食都得。雞蛋雖然係細隻，但係個蛋黃打出來的時候好挺身，感覺跟以前家中飼養的雞隻生出來的一樣新鮮。