前晚BBQ的準備工作都唔算太多，原先預計人數有十八九人之多，所以特別準備咗一些生果比Fruit punch用，有檸檬，蘋果，橙及西柚．
切生果當然要用生食用砧板及刀啦，所有生果都先洗淨外皮，然後切成骰子大小，最後加入一杯拔蘭地醃數小時
但凡事總有意外的，本來打算加入生果酒來增加果香，但apm的吉之島係冇我想要的桃味，最後用果汁代替，個人喜歡七喜多啲，但買咗雪碧，唔緊要啦，甜少少啫．
跟其他乾香料醃製食物一樣，用香茅粉醃肉類始終欠了一種鮮香草獨有的香味，最後在BBQ前數小時都要加些鮮香茅及泰國檸檬葉來增味.
最後主角出場啦：肉眼一大件，煮咗咁耐西菜都未試過解凍四磅一件的牛肉，最外面因為有血水浸過，所以顏色唔夠鮮，再加上肥肉一大片，胃口即刻大減．
好在，在裁去肥肉及筋，再切開成六件之後(差不多十安士一塊)，眼前一亮
新西蘭牛肉的肉質比較瘦，所以牛味比較濃(當然比安格斯的差)，但價錢便宜，適合大堆頭的菜色．由於唔係係自己屋企BBQ，好多野都控制唔到，最後決定要用香料醃牛肉，不過係在燒烤前20分鐘才進行．幾經辛苦先找到個似樣的recipe用，呢個食譜係比烤水牛肉用的，我估都可以一試，但結果係鹽分要減半才可
下次試下唔醃 D 牛, 燒好再自行落 black pepper + 蒜鹽 + 香草, 咁會仲鮮味呀 ~~~
回覆刪除個 fruit punch 好好味, 但略嫌 d 蘋果太重 brandy 味, 唔知用 whisky 浸係咪會易入口 d 呢?? (solly 呀, 我係咪太多意見呢????)
回覆刪除>下次試下唔醃 D 牛, 燒好再自行落 black pepper + 蒜鹽 + 香草, 咁會仲鮮味呀 ~~~ 呢隻牛冇sauce配 BBQ應該會有問題,下次再改量下啦. 如果用香草,妳會用邊隻? 以往燒牛都係燒前才加鹽及黑椒碎,再上少少油係面用大火燒,之後再加芥末都OK啦,不過個啲都係比較靚嘅牛,本身油份足,再加上肉味濃,有啲唔同嘅.
回覆刪除>個 fruit punch 好好味, 但略嫌 d 蘋果太重 brandy 味, 唔知用 whisky 浸係咪會易入口 d 呢?? 我個人覺得brandy啲葡萄味會比較醇,用whisky個味會重搶,whisky啲麥味同生果好似唔係好配(屋企仲有少少靚whisky,得閒試一試先 ),我估用rum都可以.另外仲有兩個可能,浸的時間可以仲短啲及用高幾級的XO(今次係舅仔結婚用剩啲vsop)啦. >(solly 呀, 我係咪太多意見呢????) 唔會,多啲意見重好,唔係點樣改進啊
回覆刪除我個人覺得, 如果 d 牛夠靚, 唔落 sauce 食會仲好味 ~~~ 我 bbq d 靚件係一定唔醃架 ~~ 我用咩香草? 我好求其架咋, 響 supermarket 買 d 樽裝香草咋 ... ...
回覆刪除至於個 fruit punch, 我可能唔識飲 brandy, so 覺得個酒味太濃 ~~~~
回覆刪除Kelly媽:隻牛唔係好靚嫁,只係value for money,$48磅,想點呀 ,不過都比好多凍肉舖或BBQ舖賣的好.人多BBQ,唔可以買咁貴嘅料,除非個個都有共識啦,唔係我買啲8~90磅的加拿大或百幾蚊的美國牛會比人xyz嫁.當然如果幾個係圍內好熟就買咗先講啦 . 其實炭火燒到個面有少少焦加少少芥末食好好食嫁(我諗要加油上面或放低啲燒),上次攞去個啲芥末係好野黎,不過冇人識食 . 個fruit punch好難調得好,人人口味唔同,有啲人同"狗" 喜歡酒多啲,有啲人喜歡生果味重啲,個日帶咗枝紅酒,所以減咗白酒的份量. 我諗以後都要大家做咗張問卷先BBQ啦
回覆刪除唔係呀. d mustard 我好欣賞呀 ~~~~~~~~ i like it ~~~~~~~ 我地 bbq d 肉, 通常係搵人叫架, 不過就一定貴架喇 ~~ 不過搵 baba ex-boss order 個 price 會相宜好多, 因為佢地係飲食 group, 一大 log 叫, 一定會比出面平 ~~
回覆刪除Kelly媽:3Q 我其實買咗一條9磅幾嘅肉眼,叫佢切咗一大舊出來BBQ,其他就一吋左右一舊,放晒入雪櫃(仲有5磅幾),食一舊解凍一舊,不過會冇咁好食,因為個切面大咗,血水會出多啲. 買開個間凍肉舖都係做開批發的,個價錢接受到就算啦.
回覆刪除