話說以前係大昌都買過啲白肉魚好似大青衣柳，咁就懶老定咁放工走去買啦，點知原來冇買啦，咁就急急腳走番去街市睇下仲有冇得賣啦，行咗個圈，見有一尾大魚放咗係冰面度，個魚腩就比人買咗，問咗個魚販叫乜魚，佢話好似叫"摩利"（有啲鄉音），所以都唔知係乜，返來就去骨就好快，第一次去皮都唔係太難，係要小心啲肉唔好爛就得啦，中間啲紅色可能會魚腥味，聽日煮之前起堆佢．
跟住就係處理啲羊架啦，上次聽大哥話啲羊架冇起背脊位個條骨，食個時攪到好煩，都係起埋佢啦，以前買個啲都已經起好咗，不過貴好多．攞咗本書出來睇，依書解羊，個脊位都係搵唔到入，於是用暴力啦．
最後切埋啲牛肉同醃咗啲豬肉就完成咗今天的工作啦．
真係辛苦晒你 la ~~~~~
回覆刪除巧期待呀!!!!!
回覆刪除又有得食lu, 真係辛苦你 唔知咩魚你都敢買??
回覆刪除Christie:除咗常買個少量魚類外,我對魚類的名稱認識十分少,由其係大條魚,除咗吞拿魚,三文魚,大石斑,龍躉,青衣,蘇眉見過成條之外,其他都未見過所以唔識,仲有個個漁販叫都有少少唔同,有啲要睇到好細微的部份先分得到.呢條魚我見過個魚頭,以前見過好多次,但唔知佢叫乜啫.放心啦,英式炸魚係用大條白肉魚(仲要平個啲)做的,以前用鱈魚做,貴咗就用sole,總之大條啲肉會實啲,同埋起清個條魚油就唔腥啦(當然醃個陣仲有啲技巧啦 ).
回覆刪除