0626土瓜灣的早晨0615~0700

每當要早起的時候就係失眠的時候，睡到三點鐘，就比落雨聲叫醒咗，上咗陣網，到五點幾，有啲睡意，但又唔夠膽睡，驚七點鐘起唔到身，於是打開窗簾睇吓個天啦，依～～個天咁藍嘅，剛剛才聽到下雨聲，轉眼就藍天白雲．再過多陣，頂樓有一線陽光喎，唔係呀，太陽伯伯咁早出來，睇返個日曆先知道剛好過咗夏至，太陽伯伯又要起程返南半球啦．

唔想係屋企發毛，就走咗去海心公園附近的海岸影相．

又唔記得咗個太陽偏咗北邊出來，所以個日照角度唔係心目中個種，希望冬天有時間再影過啦．

經過特麗七彩處理後，CPL偏振個條環帶都出埋黎．

啲雲從西邊飄向東邊．

雲層都比較低，高層冇乜雲，今日的天氣變化會好大．

附近工廠大廈的顏色比較淺，低角度的照射反差會比較大，唔係咁喜歡．

呢班就係最早一班往北角開0705的渡輪，正在前往九龍城碼頭．

頂唔順啦，七點鐘個太陽好毒呀