獨行麥徑四五段

為咗唔好停止每星期的運動節目，一個人都走去搵山行。

未知身體狀況可唔可以行到長途，都係搵啲多人行的路段試下。

麥徑西貢仲有一段未行，本來想係水浪窩出發，不過搭多一程車去行個一段馬路又唔係好抵，最後決定由菠蘿輋出發，向九龍方向行，行得幾多就要睇有幾多體力，沿途都有好多退出路線的，所以整體的風險不高。

晏咗起身，處理埋一機衫就出發，去到茶餐廳先知道有好多人追緊套獸拳戰隊的，當中的好多唔係小朋友。

買咗兩個麵包及一枝茶就出發，係菠蘿輋路口上山。

沿途天色都幾好，係有少許煙霞，風唔算多。

有舊幽浮在空中。

去到北港坳路就轉彎，唔係就去咗麥徑第四段的超點。

越上得高越望得遠。

馬鞍山郊遊徑入口。

開始樹林中步行都好舒服。

過咗樹叢就．．．

天氣出奇地好，太陽伯伯曬到人都怕怕，一邊上山一邊要泵水，心想咁早要飲咁多水，出汗會同時出好多鹽份，唔知行到幾時會抽筋。

前面的大金鐘唔知幾時會上去。

用咗差不多九個字先捱到麥徑。

食咗半個麵包，就比一隊行麥徑約廿多人的隊伍過頭。好在不久之後有三人小隊係後面追上來，於是跟住佢地一齊爬頭，四人一齊過總比一人容易好多。

天氣開始差，煙霞漸多，好在有風唔似之前那段路乾煎上斜，平路冇風都可以行快啲。

用咗十七分鐘到達茅坪。

人多樹蔭多，唔停繼續行。不久又開始上山，回望大金鐘。

冇風上斜．．．

沿途有好多小路。

芙蓉別，人多係度又唔停繼續行。

飛鵝山。

好舒服的路段，有風，唔曬，微向下行。

大老山及慈雲山。

向三塊田下山的小路。

接上不久之前由井欄樹經大腦上洋去博康經過的岔路。

黃牛山。

漫漫長路。

到第四段終點。

由馬鞍山郊遊徑接麥徑路口起步到此用咗兩小時廿六分，邊行邊拍照都差不多啦。

行完一小段馬路。

再轉入叢林路。

雖然對腳唔係好聽話，不過出咗叢林有風景睇，上最後呢百多米都唔係好辛苦。

慈雲山發射塔。

最後一次望沙田景。

大老山唔知係乜的天線陣。

終於上晒斜啦。

向下走咗一陣就接回馬路。

九龍的天氣好差，呢啲應該係smog來的，空氣污染得好嚴重。

忽然發現昂船洲大橋好靚，可惜空氣污染先會有呢個景．．．

係呢段路上有唔少人向下跑。

就係顧住搵位拍呢個景，最後一個麥徑牌唔記得拍．．．記唔晒行程的段速．．．

之前一起爬頭的三人小隊自茅坪之後都冇再追返上來，就係到達豆花店之前比佢地跑過咗，大家都係一心向此店出發

今日碗豆花唔夠凍．．．

快快食完就要下山。

沿梯級而下。

用四小時十六分完成12.5公里。