庚寅元宵四維走(1)

昨日係大埔回程的時候又見到九龍區個天色都唔錯，於是星期天又跟大隊去西貢行山，點知原來市區跟新界的氣候完全係兩碼子的事．．．

記得上次去行船灣環湖行的時候又係馬拉蟲的日子，當日又係天氣悶熱，空氣質數極差，點知今年又出現相同的情況，氣溫高又潮濕．．．

九點半係鑽石山出發，十點半去到鰂魚湖，大隊去晒方便之後就開始上山。

附近的民居好有心機種花。

呢邊係冇公廁的。

天氣回暖又潮濕，植物開始長嫩芽。

有樓梯唔行，行斜坡。

轉入密林陣上山，沿途拍唔到照，因為之後路段兩旁的樹木比呢度的仲要多。

上到較開揚的地方就要抖一抖，等埋一齊先再行。

齊人就再次踏上征途。

越上得高，霧開始越密。

有岔路口就放咗枝樹枝係度。

朦朧一片。

能見度仲有五十呎的。

呢條應該係二千年行過的上山路段。

得返三十呎左右。

仙境一樣。

斜度開始大，路面有點滑。

．

．

．

之後都冇再開部相機拍照，因為能見度得返十呎都冇，仲要係大風吹，濕咗塊濾鏡好難清理．．．

上到大枕蓋風勢好猛，不過依然唔覺凍，因為個人好熱，之前上個二百米個個都舉步維艱，我就唔知點解個人散唔到熱，呢個狀況如果唔停咁再上多五十至一百米就應該會中暑，吹咗十分鐘個人先至舒服返，其他人一早已經穿晒風褸啦．．．

待續．．．